الفرق بين b p
عندنا فى مصر عشان يعرفّونا الفرق بين الـ P و الـ B ، قالولنا زمان ان دي "P" اسمها بي تقيلة ودي "B" اسمها بي خفيفة :D وساعات كان الأٌستاذ مجدي بتاع الانجليزي بيقولنا ان الفرق بينهم واحد عصايتها لفوق والتانية عصايتها لتحت O.o
اخواتنا كمان في دّول الخليج بيقولو عليها P بكرش و B بكرشّين 😂😂 و ناس تانية بتقول عليها P بكرش لفوق و B كرشها لتحت 😳 ، ويلا أهو هّم أخّف من هّم 😂
إنهارده هنقولكم الفرق بين الإتنين أيه ;)
و أزاى نتعلمهم من غير ما نقول خفيفة و تقيلة و كرش و كرشين 👀
عشان تتعلم كل حاجة بتتنطق أزاى ده عّلم أسمه Phonetics و ده اللى بيقولك أمتا تنطق الحرف ده و أمتا متنطقهوش ;)
>> أول حاجة الـ P فى علم الأصوات " الـ Phonetics " أسمها Voiceless ، يعنى الحرف بتاعها مش بيتنطق .
=جّرب كده تنطق كلمة Pen ، Pencil ، Peach ، Price ،Post ،Police , Paper ، هتحس أن الهوا بيقف فى البؤ و الحرف بيتقال بسرعة لدرجة أنك بتحس أنك مش سامعه .
>> على العكس هتلاقي الـ B فى علم الأصوات " الـ Phonetics " أسمها Voiced ، يعنى بتسمع صوتها و أنتَ بتقولها .
=جرّب تنطق كلمة Book ، Beautiful ، Between ، Bank ، Blue ، Baby
هتلاقى أن حرف الـ B هنا لّى صوت .
عشان تفرّق بينهم أكتر ، لو جربت تحط أيدك على حنجرتك و أنت بتنطق أى حاجة بتبدأ بحرف الـ B ، هتحس بـ Vibration او اهتزازة كدا و ده بيحصل مع أى حرف Voiced :D أما لو جربت تعمل كده و أنت بتنطق أى حاجة بتبدأ بحرف الـ P ، مش هتلاقى أى إهتزازة بتحصل و ده برضو بيحصل مع أى حرف Voiceless
و عشان متنساش الفرق بينهم ، أتعلم و أنت بتنطق أى كلمة فيها P و B ، خلى أيدك على حنجرتك عشان تعرف الـ Voiced و الـ Voiceless 👌
كمان ممكن تسمع الفرق بين Peach و Beach من الـ Sound ده .
كلمة Peach هتتنطق كدا ←http://picosong.com/VXWX
كلمة Beach هتتنطق كدا ←http://picosong.com/VXWL
و كدّه تبقا أنت فرّقت بين الـ P و الـ B ✊
منشن بقا لصاحبك اللى مش عارف الفرق بين الـ P و الـ B :D
ليست هناك تعليقات:
إرسال تعليق