‏انا من قبل اعرفك كان لي خلان
اوفاهم غدر بي وفوق غدره خان
عرفني الالم عرفني الاحزان
عشت سنين ظلمه ما وصلها نور

اجمع جراح وخاطري مكسور
اتحمل خطاهم كن فيني قصور
داير وين ما دار الزمان ادور
يرميني عجاج البر للطوفان


‏بالاول ظلمتك ما قريتك زين
سئت الظن بك غالطت شوف العين
عكر طيبتي ريبه ابو وجهين
شككني بنفسي وكل مخلق كان

‏فاجأني حنانك ما فهمتك خفت
اجزع يا صدوق الود منك انت
اندم كيف صديتك للحظة
وإنت اول شخص المس داخله إنسان